Күйөөм бычак көтөргөндө ажырашпай, акыры сайды… | Эркиндик Медиа

Күйөөм бычак көтөргөндө ажырашпай, акыры сайды…

Күйөөм экөөбүздүн турмуш куруп жашаганыбызга жети жыл болду. Бул жылдар ичинде төрт балалуу болдук. Врачтар төрөгөнүмө тыюу салса да төрөй бердим. Бизге төрт баланы берди, бирок бактылуулук бербеди окшойт. Күйөөмдүн мүнөзү өтө оор. Көп урушабыз. Дароо бычак көтөрө чуркайт. Апам көрүп, ажыраштырып алууга аракет кылды. Бирок күйөөм убада берип, “экинчи мындай кылбайм” деп молдолорго да кат жазып берди.

Бир аз оңолгонсуп, анан кайра эле баягы адатын баштайт. Дагы бир күнү катуу чатакташа кеткенде бычак урду. Кудай сактап, аман калдым. Ооруканага айлап жатып дарыландым. Акыры ажырашып тындык. Арадан эки жылдай убакыт өттү.   “Эми оңолдум, балдарым мен тирүү туруп жетим өсөбү?” деп жалдырап жүрөт. Эми кандай кадамга барсам?

Гүлжайна