Бишкекте бычак такап, 3000 доллар талап кылган жаран кармалды | Эркиндик Медиа

Бишкекте бычак такап, 3000 доллар талап кылган жаран кармалды

Шаар тургунуна бычак такап, акча каражатын талап кылганга шектелген жаран милиция кызматкерлери тарабынан кармалды. Бул тууралуу Бишкек ШИИББинин маалымат кызматынан билдиришти.

20-октябрда Бишкек ШИИББине Т.А. аттуу жаран арыз менен кайрылып, кебетеси азиялык болгон белгисиз жарандарга карата чара көрүүнү өтүнгөн.

Анда арыздануучуга 12-кичи райондогу кафелердин биринде белгисиз жарандар бычак такап, 3 миң доллар акча каражатын талап кылышып, баасы 86 миң сом болгон ноутбугун күрөөканага өткөрүп, акчасын бер дешкен. Ошондой эле 2 күндөн кийин дагы 100 миң сом даярдап коюуну талап кылышкандыгы айтылган.

Аталган факты Кылмыштардын жана жоруктардан бирдиктүү реестрине 202-берене (“каракчылык”) менен катталып, сотко чейинки өндүрүшкө алынган.

Ыкчам тергөө амалдарынын жүрүшүндө, шектүү катары 1994-жылы туулган Б.Б. аттуу жаран кармалып, убактылуу кармоочу жайга киргизилди.

Учурда жогорудагы окуяга катыштыгы бар делинген жарандарды аныктоо иштери улантылып жатат.