Wednesday, April 14, 2021

Мелис Аспеков көрсөтмө берүүдөн баш тартууда

Активист Мелис Аспеков көрсөтмө берүүдөн баш тартууда. Бул тууралуу бүгүн, 19-январда анын адвокаты Назира Абышкаева маалымат жыйынында билдирди.

Ал активисттин күнөөсүн далилдеген далилдер жана фактылар жок экенин билдирди. Ал кардары камалгандан бери бир эле жолу сурак берип, башка көрсөтмө бербегенин белгиледи.

Назира Абышкаева тергөө органдарында Аспековдун “Кыргыз темир жолу” ишканасынын жетекчилиги менен сүйлөшүүлөрү жөнүндө жазуулар жок деп ырастоодо.

“Айыптар негизсиз. Арызда Жураев акча алган деп айтылат, бирок анын суммасы дагы, акча которулган күнү дагы айтылган жок. Эгерде тергөө объективдүү жүрүп жатса, анда ишти токтотуу керек”, – деди адвокат.

Белгилей кетсек, буга чейин Мелис Аспеков “Кыргыз темир жолу” мамлекеттик ишканасынын жетекчилигинен опузалап алган $250 миңдин $50 миңин Финполициянын төрагасына бергем” деп көрсөтмө бергени айтылган.

Бирок, УКМК да, Финполиция да бул маалымат чындыкка дал келбей турганын билдирген.