Тажикстандын президенти коронавирусту жеңишкенин жар салды | Эркиндик Медиа

Тажикстандын президенти коронавирусту жеңишкенин жар салды

Тажикстандын президенти Эмомали Рахмон коронавирусту толугу менен жеңишкенин билдирди.

«Азыр Тажикстанда коронавирус жок, ал толугу менен жок кылынды», – деди президент парламентке болгон кайрылуусунда.

Ошондой эле Рахмон жеке жана коомдук гигиенанын эрежелерин унутпоого чакырды.

«Коронавирус пандемиясы менен күрөшүү үчүн ооруканаларда жаңы 7 миңден ашуун орун даярдалган. Коронавирус жуктурган адамдарды дарылоого 5400 медицина кызматкери тартылган», – деди ал.

Тажикстандын Саламаттыкты сактоо министрлиги билдиргендей, өлкөдө соңку 15 күндөн бери коронавирус жуктурган адамдар катталган жок.